Гвардиола жестоко му одговори на Рој Кин кој изјави дека Халанд е играч за во четврта лига

Напаѓачот на Манчестер Сити, Ерлинг Халанд не е во добра форма. Норвежанецот одигра шест натпревари оваа сезона во Премиер лигата против екипи од Топ 5, а успеа да постигне само еден гол.

Дека нешто не е во ред се согласи и легендарниот Рој Кин, кој како стручен коментатор беше многу груб за играта на Норвежанецот против Арсенал.

“Ова беше многу лошо. Неговата генерална игра е многу слаба. Пред голот тој е најдобар во светот, но генерално е многу лош. Неговата игра е на ниво на играч од англиската четврта лига. Тој мора да се подобрува во текот на следните години и тој ќе се подобри, но мора да работи на тоа што е можно поскоро“, рече Кин.

„Не се согласувам со Кин, апсолутно не. Тоа би било како јас да кажам дека е тренер за втора или трета лига. Халанд е најдобриот напаѓач во светот. Минатата година ни помогна да освоиме сè. Не е негова вина што не создаваме доволно во нападот. Изненаден сум што критиките доаѓаат од поранешните играчи. Нивната меморија брзо избледува“, изјави Гвардиола.