![](https://sportski.mk/wp-content/uploads/2024/04/Screenshot-2024-04-23-115212-850x491.jpg)
Поранешниот тренер на Вардар, Веселин Вујовиќ поради лошите резултати доби отказ во хрватскиот клуб Нексе.
Вујовиќ на клупата на Нексе седеше само два месеци и откако не успеа да ги донесе очекуваните резултати клубот одлучи да му врачи отказ.
Лига Нации: Се освен прво место ќе биде катастрофа за Македонија! ↓↓↓
„Раководството на Нексе и тренерот Веселин Вујовиќ одлучија да ја прекинат соработката“, објави Нексе.
На табелата Нексе ризикува да го изгуби и второто место бидејќи по осум одиграни кола има ист број на бодови со Сесвете. Во последниот натпревар на кој Вујовиќ седеше на клупата Нексе ремизираше 28:28.
Исто така Вујовиќ доби забрана за извршување на тренерската функција од три месеци поради големиот инцидент кој се случи на мечот меѓу Нексе и Загреб одигран на почетокот од април.