Возачите на Ферари мета на италијанските медиуми

По катастрофалната трка во Сингапур, италијанските медиуми упатија критики за возачите на Ферари, особено кон Себастијан Фетел.

Трката во Сингапур за Ферари влезе во историјата, затоа што за првпат се случи двајцата возачи да се откажат во првиот круг.

Голем број на медиумите од Италија не ги поштеди возачите на Ферари, па како главни виновници за хаосот на почетокот на трката ги посочија токму нив.

„Ферари направи се погрешно. Црвените болиди се удрија на начин на кој најдобриот режисер на хорор не би го смислил“, вели Газета дело Спорт.

„Не, Фетел. Тоа не се прави така. Првите 300 метри во Сингапур е едно од најлошите случувања за Ферари во текот на последната деценија“, Кориер дело Спорт.

„Катастрофа на почетокот на трката. Маранело ги изгуби сите надежи за освојување на титулата. Во неколку секунди е уништена целата сезона“, вели Тутоспорт.