Дома Македонски спорт Мак фудбал Влатко Костов е нов тренер на Тиквеш

Влатко Костов е нов тренер на Тиквеш

Откако Тиквеш спогодбено го раскина договорот со Пане Блажевски денес за нов шеф на стручниот штаб го назначи Влатко Костов.

Стручњакот од Штип потврди дека од понеделник официјално ќе седне на кормилото на Тиквеш и ќе почне со работа.

Костов има огромно домашно и интернационално искуство, а во 2010 година ја освои и титулата со Ренова.

„Сакам да им се заблагодарам на градоначалникот и раководството на клубот што веруваа во мене и ми направија чест. Благодарам на сите мои пријатели кои ми честитаа за изборот, благодарност до навивачката група „Лозари“ и сите искрени пријатели на ФК Тиквеш за својата поддршка за мене, мојот стручен штаб, како и за моите фудбалери, во кои многу верувам и знам дека ќе изодиме тежок пат ама ќе успееме во крајната цел на клубот, а тоа е опстанокот. Ветувам, во мое име и во име на фудбалерите, дека ќе работиме макотрпно за да можат оваа прекрасна публика и навивачка група и следната година да гледаат прволигашки фудбал. Со добра мисла во нови успеси…“, истакна Костов.

Коментари
Прочитајте поврзани статии
Load More In Мак фудбал

Проверете

Тричковски после 200 натпревари за АЕК: Ова е мој втор дом, ќе направам се да дојдеме до титула!

Поранешниот македонски репрезентативец, Иван Тричковски на убав начин го прослави новиот д…