Видео: Дербито во Франција за „светците“ – Нејмар изнуди и реализраше пенал, погоди и Кавани, Мутињо стрелец за Монако!

Четиринаесетото коло во француското првенство ни го донесе и дербито помеѓу Монако и ПСЖ.

ПСЖ и во овој натпревар покажа дека оваа сезона тие ќе го водат главниот збор во Франција. „Светците“ успеаа да слават со 1:2.

Се играше 19 минута од натпреварот кога Јулијан Дракслер одлично се снајде во казнетиот простор и го пронајде Едисон Кавани кој ја спроведе топката во мрежата на домаќинот. Тоа беше и единствениот гол во првото полувреме.

Стартуваше вториот дел, а после само седум минути игра пенал за гостите од Париз. Нејмар одлично се поднамести и успеа да изнуди пенал кој на крајот го претвори и во погодокот.

Монако до крајот успеа само да намали на 1:2 и тоа преку Жоа Мутињо кој во 82 минута погоди од слободен удар.

Со оваа победа, ПСЖ стигна до девет бода предност во однос на Лион и Монако кои имаат по 28 освоени бодови.