Брестовац: Шведска беше подобра, очекувам подобра игра против Египет

Репрезентацијата на Македонија вчера беше во целост надиграна од репрезентацијата на Шведска во првиот натпревар на Светското првенство.

Избраниците на Данило Брестовац се држеа само 20-тина минути, а потоа Шведска започна да ја прави разликата која на крајот изнесуваше и +12 (20:32). Брестовац верува во подобро издание против Египет утре.

„Шведска беше подобра во текот на целиот натпревар, посебно во ситуациите, „еден на еден“, ја заслужија победата и можам само да им честитам. Се надевам дека ќе се сретнеме повторно во понатомошниот дел од турнирот. Организациски за нас нема проблеми, мерките се во ред. Против Египет очекувам едно подобро издание“, изјави Брестовац.

Натпреварот против домаќинот го игра утре во 18:00 часот.