Барселона во јануари мора да продава

Познато е дека Барселона има проблеми со финансискиот пер плеј, има многу долгови и каталонскиот клуб има проблем да регистрира нови играчи.

Ова лето пристигна Дани Олмо, но клубот долго не можеше да го регистрира се до повредата на Андреас Кристенсен, и на негово место на крајот „влета“ репрезентативецот на Шпанија.

Меѓутоа, регистрацијата на Олмо трае само до крајот на оваа година и е неизвесно дали Барселона ќе успее да го регистрира за настапи во вториот дел од сезоната.

Утринава шпанските медиуми пишуваат дека Барселона би можела да направи вистински хаос и да продаде еден од најважните играчи во тимот.

Станува збор за Жил Кунде кој оваа сезона е играч со најмногу одиграни минути, и одлично настапува на позицијата десен бек.