Барса ќе потпише спонзорски договор тежок 1,7 милијарди евра

Бордот на директори на Барселона денеска го одобри новиот спонзорски договор со Најк кој значително ќе ги зголеми приходите.

Финансиските проблеми би можеле да станат минато затоа што Барселона ќе потпише договор вреден 1,7 милијарди евра.

Лапорта и неговиот тим наводно имале успешни преговори со познатата компанија „Најк“ за продолжување на соработката и Барселона за договор на 14 години би добила неверојатна сума на пари.

Барселона до 2028 година, секоја сезона ќе добива околу 48 милиони евра повеќе од сегашните услови. Од 2028 па до 2038 година, „каталонците“ ќе добиваат помеѓу 58 и 60 милиони евра повеќе од сегашните услови.