Барса сака да го земе Нејмар сега, а да го плати после две години!

Раководството на Барселона продолжува да работи на трансферот на Нејмар и бара начини како да го донесе Бразилецот на „Камп Ноу“ ова лето.

Според „Мундо Депортово“, весник кој е добро информиран за случувањата во каталонскиот клуб, Барса сака да го донесе Нејмар на позајмица и тоа со две опции. Едногодишна позајмица со право на откуп во 2020 година, или двегодишна позајмица со задолжителен откуп во 2021 година.

На тој начин Барселона ќе успее да биде во рамките на Финансискиот фер-плеј, со оглед на фактот дека ова лето веќе потроши значителна сума за трансфери.

Пари Сент Жермен се спремни да го пуштат Нејмар на позајмица, но бараат задолжителен откуп и фиксирана цена од 200 милиони евра.

Преговорите помеѓу двата клуба продолжуваат и се очекува во наредните денови двете страни да постигнат конечен договор.