Барди одигра 76 минути во катастрофата на Леванте против Севиља (ВИДЕО)

Фудбалерите на Севиља на свој терен го декласираа Леванте со убедливи 5:0 во рамките од 21-то коло во шпанската Ла Лига.

Севиља одигра одличен натпревар пред своите навивачи, а сите пет погодоци на натпреварот ги видовме во второто полувреме. Домаќините во првото полувреме имаа неколку добри прилики, но Леванте во првиот дел некако ја сочува својата мрежа.

Меѓутоа среќата тимот од Валенсија го напушти во продолжение од натпреварот. Веќе во 48-тата преку Бен Једер Севиља стигна до водство, а во 60-тата минута преку Андре Силва зголемија на 2:0.

Десетина минути подоцна Васкез погодува за 3:0, потоа Сарабиа од пенал зголемува на 4:0. Конечните 5:0 ги постави Промес во финишот од натпреварот.