Баерн на колена, Јунајтед има нов тандем за триумфи (Видео)

Во рамки на второто коло од Лигата на шампионите, вечерашните седум дуели заокружија уште една етапа од групната фаза.

Селтик славеше кај Андрлехт на гости со 3:0. Првиот погодок дело на Грифитс во 38. минута, а вториот автогол на Кара во 50. минута од мечот. Последниот погодок го постигна Синцлар во 92. минута.

Челзи во финишот на мечот славеше против Атлетико Мадрид со 1:2.Првиот погодок беше постигнал преку пенал за домашните во финишот на првото полувреме а стрелец беше Гризман, додека пак, Челзи израмни преку Мората кој беше прецизен во 60. минута. Победничкиот погодок за „Плавите“ го постигна Батчуаи во 94. минута од судиското надополнување.

Базел ја демолираше Бенфика со високи 5:0. За домашните во листата на стрелци се запишаа Ланг во 2., Оберлин во 20., ван Волфцвинкел преку пенал во 59., Оберлин повторно во 69. минута, како и Риверос во 76. минута од мечот.

Манчестер Јунајтед кај ЦСКА Москва славеше со 1:4. Веќе во првото полувреме Јунајтед имаше виоски 3:0, благодарение на двата погодоци на Лукаку во 4. и 27. минута, како и погодокот на Марсијал во 19. минута. Во второто полувреме Мхитарјан се запиша во листата на стрелци во 57. минута, а во финишот на мечот Кучаев постигна почесен погодок за рускиот состав.

Јувентус против Олимијакос одигра 2:0. Стрелци на погодоците за „Старата дама“ беа Игуаин во 69. минута и Манџукиќ во 80. минута.

Во дерби дуелот на колото, Баерн Минхен беше демолиран од ПСЖ до 3:0. Првиот погодок го постигна Алвес по само 90 секунди, потоа беше прецизен Кавани, а на крајот со свој погодок се закити и Нејмар.

Барселона на гости кај Спортинг славеше минимало со 0:1, а стрелец на единствениот погодок бепе Коатес кој постигна автогол во 49. минута.