Араухо ги израдува фановите: Не ја напуштам Барселона

Дефанзивецот на Барселона, Роналд Араухо, ги демантираше шпекулациите дека сака да го напушти каталонскиот гигант.

За него силен интерес покажува Баерн Минхен, па фановите беа загрижени дека може да си замине со богата понуда.

Меѓутоа, Уругваецот денес потврди дека не планира да ја напушта Барселона.

„Во секој преоден рок се појавуваат шпекулациите за мене. Минатото лето пишуваа дека ќе се преселам во Манчестер Јунајтед. Мојот фокус е на Барселона, давам 100%од себе секој пат кога ќе го облечам дресот на овој тим. Одговорност и привилегија е да се носи капитенската лента на овој клуб, изјави Араухо.