Алушовски: Не чекаат 11 натпревари во еден месец, ќе биде пеколно тешко

Вардар вчера ги започна подготовките за пролетниот дел од сезоната, а тренерот Стевче Алушовски зборуваше за очекувањата од вториот дел од сезоната.

Алушовски припремите ги започна без ракометарите кои имаат обврски кон своите репрезентации пред стартот на Светското првенство.

„Имаме еден краток период за подготовки затоа што не очекува втората полусезона и густиот распоред во февруари. Поради репрезентативни обврски ни недостигаат седум ракометари. Дисингер се враќа во четврток затоа што нема да биде со репрезентацијата на Германија на СП. Стоилов, Мишевси, Талески и Димитроски ќе отсуствуваат од поготовките. Сакам Македонија да игра на СП, но ќе бидам среќен и ако ни се приклучат. Без Чупиќ и Патрик ќе бидеме до 28. Јануари. За нас најважен ќе биде дуелот со Порто и се надеваме на позитивен резултатот кој треба да ни даде имплус за остварувањето на нашите цели. Имавме и проблеми со Ковид-19, се надевам дека тоа е зад нас“.

Вардар во само еден месец (февруари) ќе одигра дури 11 натпревари.

„Следниот месец ќе одиграме дури 11 натпревари и тоа ќе биде многу тешко. Имаме патувања и подготовка за секој меч, ќе биде пеколно и многу тешко, мора максимално да бидеме фокусирани. Размислувам позитивно и очекувам овој состав да го издржи тоа, но не би било изненадување ако пристигне барем еден ракометар во текот на полусезоната“, изјави Алушовски.