Алегри ги откри причините за дебаклот против Реал

Тренерот на Јувентус Масимилиано Алегри во интервју за „Скај Спорт“ зборуваше за финалето од Лигата на шампиони.

„Старата дама“ беше прегазена во финалето од „кралевите“ со 4:1, а Алегри ја откри причината за дебаклот.

„Планот беше да поведеме до крајот на полувремето или барем во првите 60 минути. Пред две години во полуфинале го елиминиравме Реал, но тогаш имав комплетно поинаков тим и имав на располагање многу повеќе опции во нападот отколку оваа сезона“, истакна Алегри.

„Не можев да предвидам дека ќе се повреди Марко Пјаца, па немав играчи за ротација и во нападот постојано играа истите четворица. Бидејќи го немав Пјаца морав цела тежина да ја префрлам на останатите четворица во нападот, а некои од нив ја платија цената. Во мечот тргнавме со една тактика, потоа ритамот го зеде данокот и морав да менувам, што се покажа како кобно“, заклучи италијанскиот стратег.