Агентот пристигна во Милано, Малдини спрема трансфер „бомба“

Милан синоќа го прегази Лацио со 4:0 и се пласираше во полуфиналето од италијанскиот Куп.

Италијанските медиуми пренесоа дека синоќа на „Сан Сиро“ присуствувал и агентот на Свен Ботман, Ник Бруинберг.

Ботман е еден од најбараните дефанзивци во Европа и на лето сигуно ќе го напушти Лил, а Милан сака да ја победи конкуренцијата.

Неговиот агент денес ќе има средба со Малдини на која треба да ги договори личните услови за трансфер на лето.

22-годишниот Холанѓанец игра фантастично во дресот на Лил и се промовираше во еден од најдобрите млади дефанзивци, а во јануари одби богата понуда од Њукасл.

Ботман сака кариерата да ја продолжи на „Сан Сиро“ и е блиску до договор со „росонерите“.