Судирот меѓу Реал Мадрид и Манчестер Јунајтед во Скопје беше прилика да се засилат шпекулациите за евентуален трансфер на Герет Бејл на „Олд Трафорд“.
Шпекулациите додатно ги засили и Жозе Мурињо кој истакна дека ќе се бори за Велшанецот, меѓутоа првиот човек на „кралевите“, Флорентино Перез категорочно дематираше дека постои шанса за такво нешто.
Шанса да станеш YouTuber! Приклучи се! ↓↓↓
„Герет Бејл е меѓу оние фудбалери кои не се на продажба. Тој е еден од најдобрите во светот, многу е важен за нас и нема никакви шанси да го продадеме“, изјави Перез.
Бејл беше стартер на дуелот од Суперкупот и еден од најзаслужните за триумфот на „кралевите“, а после мечот ги прокоментира гласините.
„Исклучиво сум сконцетриран на фудбал и не слушам што се зборува или пишува по весниците. Уживам во фудбалот и сакам да продолжам да освојувам трофеи со Реал Мадрид“, изјави Бејл.