Јуриќ: Играчите на Јувентус ме навредуваа цел натпревар

Јувентус вчера им приреди разочарување на своите навивачи одигрувајќи 1:1 дома против Верона.

За Верона ова беше прв бод во Торино по цели 32 години. Гостите од Верона прикажаа одлична и храбра игра и покрај индивидуалниот квалитет на италијанскиот шампион. Тренерот на Верона Иван Јуриќ секако беше задоволен по овој резултат.

„Моите играчи беа фантастични. Одигравме одлични 70 минути, во последните 20 некако застанавме, но за среќа не бевме казнети. Кога се ќе се собере заслужено освоивме бод против најдобриот тим во Италија“.

Откри и дека некои играчи на Јувентус го навредувале на основа на неговото потекло.

„Фудбалерите на Јувентус во текот на цел на натпревар ме провоцираа и навредуваа на тема на моето потекло. Ме нарекуваа Балканец. Молчев додека траеше натпреварот, а по натпреварот реагирав како што налагаат правилата“, изјави хрватскиот тренер.