Јунајтед прави нов обид да го донесе Ериксен во јануари

Манчестер Јунајтед ќе направи нов обид да го донесе Кристиан Ериксен на „Олд Трафорд“ во јануари, пренесуваат медиумите на Остривот.

Данскиот плејмејкер јасно ја изрази желбата да го напушти Тотенхем уште на почетокот на летото, но сепак не дојде до посакуваниот трансфер.

Реал Мадрид, кој беше посакувана дестинација на Ериксен, не направи сериозен обид да го донесе во своите редови, а тој ја одби понудата на „црвените ѓаволи“.

Сепак, Ериксен влегува во последната година од договорот и Тотенхем ќе мора да го продаде во јануари доколку сака да заработи нешто на неговото заминување.

Таквата ситуација сака да ја искористи Манчестер Јунајтед кој во јануари ќе се обиде да го донесе на „Олд Трафорд“.

Сепак, конкуренцијата за неговиот потпис е голема, а и самиот Ериксен може да одлучи да замине како слободен агент следното лето.

Man Utd to make stunning January swoop for Christian Eriksen after dream Real Madrid move fails https://t.co/5lSIX0Jyf9

— The Sun – Man Utd (@SunManUtd) September 3, 2019