Јувентус ја „краде“ големата желба на Барса

Италијанскиот гигант Јувентус може да го „украде“ Мемфис Депај пред носот на Барселона, пренесуваат италијанските медиуми.

Депај влезе во последната година од договорот и најверојатно во јануари ќе го напушти Лион со цел францускиот клуб да заработи на неговото заминувае.

Барселона го сакаше Холанѓанецот уште во летниот преоден рок, но не успеа да се договори со Лион.

Сега францускиот клуб е спремен да го пушти Депај за само 5 милиони евра, па Јувентус сака да го искористи тоа.

Сега е многу веројатно Депај да ја прифати понудата на „старата дама“ бидејќи не се знае со сигурност дали Куман ќе биде на клупата на Барселона и следната сезона.