Ѓорѓе Стојчев ќе ја води Академија Пандев во вториот дел од сезоната

Aкадемија Пандев нема да бара нов стратег, клубот ќе му даде шансе на Ѓорге Стојчев.

Информацијата дека Стојчев ќе го води клубот во вториот дел од сезоната ја потврди клубот преку социјалните мрежи.

„Ѓорге Стојчев е назначен за нов шеф на стручниот штаб на Академија Пандев. Раководството на клубот одлучи дека Стојчев е најдоброто решение за тренер на сениорскиот тим и ја има целосната доверба од сите во клубот. Стојчев е дел од Академија Пандев од самото формирање, најпрво како тренер во младинските категории, а од пред три сезони и како асистент тренер во сениорскиот тим каде соработуваше со Југослав Тренчовски, Александар Таневски и Александар Васоски. Со среќа Шефе и ти посакуваме големи успеси!“, соопштија од Академија Пандев.