Ѓоковиќ руши рекорди во Токио

Ѓоковиќ денес забележа убедлива победа против Кеи Нишикори и закажа полуфинале на Летните Олимписки игри против Зверев.

Српскиот ас е блиску до златен медал кој би го додал во неговата богата колекција. За такво нешто ќе треба да слави прво со Германецот, а потоа да биде подобар од подобриот од второто полуфинале меѓу Карен Качанов и Пабло Карено-Буста.

Со пласманот помеѓу најдобрите четири, Ѓоковиќ испиша историја и стана првиот тенисер со три полуфиналиња на олимписките игри. Ако го победи Зверев тој ќе сруши уште едно достигнување, тоа би било рекорд по број на победи на ОИ. Во овој момент со 13 го дели првото место со Федерер.

Со Зверев Ѓоковиќ ќе се сретне за два дена, додека финалето се игра во недела во 15:00 часот.