Ѓоковиќ без многу проблеми се пласираше во осминафиналето на Синсинати

Најдобриот тенисер во светот Новак Ѓоковиќ ја започна одбраната на титулата во Синсинати.

Новак во мечот од второто коло го совлада Американецот Сем Квери со 2:0 во сетови (7:5 и 6:1), после еден час и 19 минути игра.

Квери подобро го започна мечот, поведе со 2:0 и таа предност ја одржуваше до шестиот гем кога Ѓоковиќ дојде до изедначување на 3:3, а потоа после една интересна борба Ѓоковиќ направи уште еден бреј за конечни 7:5 во првиот сет.

Во вториот се водеше вистинска борба само во првите три гема, а кога Новак направи нов брејк и поведе со 3:1 отпорот на искусниот Американец значително ослабе и до крајот Србинот се „прошета“ до победата.

Во третото коло, односно во осминафиналето Новак ќе игра против подобриот мечот помеѓу Иснер и Карењо Буста, а еден од можните ривали во четвртфиналето му е Ник Кирјос.