Шчесни: Челзи е европски шампион, се виде разликата меѓу двата тима

Вчера Челзи одигра одличен натпревар и го победи Јувентус со убедливи 4:0 во Лигата на шампионите.

Со оваа победа Челзи го презема првото место во групата пред последното коло. Голманот на италијанскиот тим, Војчех Шчесни е реален и го призна поразот против „сините“ кои сосема заслужено победија.

„Во овој натпревар можеше да се виде голема разлика помеѓу двата тима. Челзи е европски шампион, најдобриот тим во овој момент. Не покажавме квалитет да им се спротиставиме. Овој пораз навистина боли“, изјави Шчесни.

И Челзи и Јувентус го имаа обезбедено пласманот во следната фаза уште пред овој натпревар, меѓутоа дуелот беше важен за првата позиција во групата.