Шпанија со гол во 120-та до полуфинале🎥

Шпанската репрезентација е првиот полуфиналист на ЕП, откако после продолженија ја совлада Германија со 2:1.

После израмнетото прво полувреме каде двете репрезентации ги одмеруваа силите Шпанија подобро го отвори второто полувреме и веднаш имаше шанса преку Мората кој биеше над голот.

Неколку минути подоцна Олмо погоди од работ на шеснаесетникот за водство од 1:0 и тој резултат беше на сила се до 90-та минута.

Виртц погоди за 1:1 и го однесе мечот во продолженија. Во 105-та минута имаше сомнителна ситуација,но судијата Тејлор не досуди пенал после играта со рака на Кукуреља.

Кога сите помислија дека мечот ќе се реши на пенали, во 120-та минута Мерино постигна гол за 2:1.