Шокантни сцени по натпреварот: Навивачите влетаа на теренот, летаа факели и тупаници на сите страни (ВИДЕО)

Големи тепачка изби меѓу навивачите по натпреварот помеѓу Рапид и Австрија во Виена во австриското дерби.

Ова не е прв случај на навивачки пресметки во Европа кога зборуваме за оваа сезона.

Неколку минути по последниот судиски свиреж настана целосен хаос, навивачите на двата тима влетаа на теренот, а потоа почна размената на факели и други предмети, а имаше и физички пресметки.

Најмалку едно лице е повредено, а се чини дека обезбедувањето целосно изгубило контрола. Полицијата доцна реагираше, а подоцна се распореди на средината на теренот за да спречи понатамошна ескалација на конфликтот.

На социјалните мрежи се појави драматично видео на кое се гледа жестока размена на непријателство меѓу навивачите, а во еден момент изби и физичка пресметка. Еден навивач по неколку удари падна на тревникот, а неговите „другари“ го влечеа назад на трибината.

22.09.2024🇦🇹Rapid Wien vs Austria Wien after match, check more here: https://t.co/ijAHdLwf1z pic.twitter.com/iro24dCrfc

— Hooligans.cz Official (@hooliganscz1999) September 22, 2024