Чави не може да верува: Како може Роналдо да биде подобар од Нејмар?

Фудбалерите на Реал Мадрид во средата на домашен терен со 3-1 го победија ПСЖ во првиот меч од осминафиналето на ЛШ.

Легендата на Барселона и ервропскиот фудбалер, Чави Ернандес вели дека Реал Мадрид заслужено победил, но не се согласува дека Роналдо е подобар од Нејмар.

„Реал не блескаше и ПСЖ се закануваше многу повеќе при резултат 1-1. Против нив никогаш не смеете да пропуштите такви шанси затоа што ќе ве казнат. Најлошо е кога ќе ви стигне казна од никаква ситуација. Неверојатно е што Реал славеше со 3:1, а ПСЖ беше многу подобар“, истакна Чави.

По мечот Зидан беше најдобар тренер за нив, а едвај преживеа отказ. Емери е сега на удар, но не треба да го гледаме резултатот туку како играа тимовите. „Велеа дека Кристиано уште е подобар од Нејмар. Не, не, тоа не е фер. Што направи Роналдо во мечот? Постигна гол од пенал и гол со колено! Што е со опасните ситуации кои ги направи Нејмар? Сите контра-напади на Париз?“, смета Чави.