Холандија или Англија, кој ќе му дојде на „волеј“ на Роналдо!?

Во второто полуфинале од Лигата на Нации играат Холандија – Англија. Дуелот ќе се одигра во Гимараеш, на неутрален терен па многумина веруваат дека ова ќе биде вистинска рововска битка. Букмејкерите им ја препуштаат фаворитската улога на Англија, но ние не се слагаме во потполност со тоа.

Англија е многу мотивирана

Се уште постои позитивен дух околу тимот на Англија по полуфиналето од Светското првенство минатото лето. Во Лигата на Нации беа на врвот во една крајно исклучително тешка група. Завршија како лидери пред Шпанија и Хрватска и најавија уште подобри денови. Освен тоа во квалификациите кои неодамна започнаа з апласман на ЕП, Англија веќе ги совлада Чешка и Црна Гора во воведните два меча.

Тие ќе бидат крајно мотивирани, бидејќи сакаат да го освојат нивниот прв трофеј од 1966 година. Интересно, но нивниот натпревар доаѓа само пет дена по финалето на Лигата на шампионите, во кое беа вклучени седум репрезентативци, што би можело да биде позитивен плус за селекцијата.

Саутгејт го промени системот и не погреши

Герет Саутгејт веднаш по одличниот настап на СП, направи неколку за него потребни промени, користејќи ја групата во Лигата на нации за смело да се префрли од 3-5-2 на 4-3-3 формација. Речиси целокупната фудбалска јавност во Англија веруваме дека Саутгејт треба да продолжи со ист стил како на СП. Но, тие беа истите кои го критикуваа стилот на Саутгејт и пред СП. И овој пат погрешија, а Англија олично се снајде и во новата формација.

Ги совладаа Шпанија и Хрватска во групата а Англија исто така, импресивно ја започна својата квалификациска кампања за пласман на ЕП 2020, постигнувајќи 10 гола во два натпревари.

Новата формација е дизајнирана да ги спречи подобрите екипи со доминирање во средниот ред и функционира добро, но има и одредени слабости.

Деле Алли одамна е член на првите единаесет, но неговата форма значително се влоши во втората половина на сезоната, нешто што исто така важи и за неговиот тимски колега, Ерик Диер, но и за Џеси Лингард .

Спротивно на тоа, Хендерсон само што го предводеше Ливерпул до титула во Лигата на Шампионите. Но тоа беше пред само неколку дена и не би било изненадување да се осети кај него физички и ментален замор. Водечкиот стрелец Хари Кејн долго беше повреден, а во финалето од ЛШ беше очаен.

Холандија со неверојатен талент

Ако Лигата на шампионите фрли сенка врз поголем дел од англиските репрезентативци бидејќи тие повеќе играат во Тотенхем, тоа веројатно ги осветли Холанѓаните.

Да, тие мораа да чекаат на Вирџил ван Дијк и за Вајналдум, но барем и двајцата пристигнаа со златни медали околу вратот. Ајакс пак испадна токму од Тотенхем во полуфиналето. Но таа екипа е европски хит на годината.

Селекторот Роналд Коман сега може да го искористи рецептот од Ајакс и нивниот тренер Ден Хаг. Најдобрите фудбалери на Ајакс Френки де Јонг и Матијас де Лигт се веќе светска класа. Де Лигт ќе игра во тандем со најдобриот европски дефанзивец Ван Дијк што значи нверојатно сигудна одбрана.

Во средината Дони ван де Бик сигурно заслужува шанса бидејќи имаше неверојатна сезона во Ајакс, додека истото може да се каже и за Стивен Бервин. Крилото на ПСВ постигна 14 гола и додаде 12 асистенции во Ередивизија.

Откако не успеа да се квалификува на Еуро 2016 и на СП 2018 година, следеше ремонт, подмладување кое се движи напред со неверојатна брзина, а за мотивите нема потреба да се споменува.

Холанѓаните би требало да го контролираат средниот ред

Тоа поле во средниот ред сигурно треба да биде под одреден притисок, со оглед на тоа дека Френки де Јонг ќе биде во составот на лалињата. Фудбалерот на Ајакс е во извонредна форма оваа сезона.

Фактот дека колегата на Де Јонг од Ајакс, Дони ван де Бик, вообичаено не започнува во средниот ред, многу зборува за силата на холанѓаните во средината.

Вајналдум е фудбалер кој е шеф во составот Роналд Коман, иако е во иста како и Хендерсон. Така е и дефанзивецот Виргил ван Дијк , чие централно партнерство со друга ѕвезда Матијас де Лигт, може да биде огромна корист за лалињата.

Мемфис Депај пак ужива во ренесансата која сезонава ја доживеа со неговиот Лион, но и со неговата земја. Тоа е силен прв состав на холанѓаните, доволно кадарен за да доминира во наредните неколку години.