Хаос во авионот: Нани се степа со навивачите на Лацио

Италијанските медиуми пренесуваат дека настанало хаос во авионот со кој се возеле играчите и некои навивачи на Лацио.

Небесно сините денеска одиграа нерешено на гостувањето против Каљари, а во текот на враќањето за Рим се случил немил настан.

Како што пренесува Медиасет Премиум, авионот со кој се возеле играчите и дел од навивачите на Лацио каснел 20 минути. Во еден момент навивачите на Лацио почнале да дофрлаат навредливи зборови кон крилниот играч на клубот поради неговата игра, а тој тоа не го поднесе на најдобар начин.

Во тој момент Нани тргнал физички да се пресмета со навивачите, во кој судир учествувале седум луѓе, меѓу кои и дел од екипажот.