Халанд кој е според него најдобриот напаѓач кој го имал Манчестер Сити

Eрлинг Халанд го носи дресот на Манчестер Сити од 2022 година и од тогаш одигра 109 натпревари во кои постигна 101 гол и подели 14 асистенции.

Норвежанецот кој има 24 години уште во првата сезона стигна до тројната круна, но собори и неколку рекорди. Никој пред него во Манчестер Сити не постигнал 52 гола во една сезона, а исто така најрбзо стигна до бројката од 50 погодоци, потребни му беа 48 натпревари.

Во интервју за англиските медиуми тој сега откри кој е за него најдобриот напаѓач кој го имале „граѓаните“.

„За мене најдобар е Серхио Агуеро и тука немам никакви дилеми. Не сакам да зборувам за себе дека сум најдобар бидејќи не е вистина“, изјави Халанд.