Халанд во 2020 година постигнал повеќе голови од цел Манчестер Јунајтед

Младиот норвешки напаѓач Ерлинг Халанд ги воодушеви сите со своите први настапи во дресот на Борусија Дортмунд.

Халанд на почетокот на јануари потпиша за Борусија Дортмунд откако дојде од Салзбург. Норвежанецот играше одлично во дресот на австрискиот тим и поради тоа Дортмунд експресно реагираше и го доведе во своите редови. Неговото доаѓање во Борусија на почетокот изгледа како полн погодок.

Норвежанецот на своето деби против Аугусбург во игра влезе кон средината на првото полувреме и успеа да постигне хет-трик. Халанд и вчера не беше во првиот состав, но откако се појави на теренот повторно одигра маестрално.

Дортмунд го победи Келн со 5:1, а Халанд постигна два гола откако влезе од клупата за резерви. Неверојатно звучи податокот дека овој 19 годишен напаѓач во 2020 година постигна повеќе голови од Манчестер Јунајтед.

Играчите на Манчестер Јунајтед постигнаа четири гола за 360 минути во 2020 година, додека Халанд постигна пет за 59 минути.