ФФМ реагира: АМС ги заборави фудбалерите и победата против европскиот шампион

Вчера се организираше изборот на „Спортист на годината“ од страна на АМС, но и по овој избор има реакции.

Фудбалската репрезентација на Македонија остана заборавена иако фудбалерите играа бараж за Светското првенство и во полуфиналето од баражот го елиминираа актуелниот европски шампион Италија.

„Во последните неколку години мислевме дека видовме сѐ од Агенцијата за млади и спорт, но секогаш успеваат да направат повторно да се “фатиме за глава”.

Од сите доделени награди, додаваме и една што не беше доделена: Македонската фудбалска репрезентација во 2022 година ја оствари најголемата победа во својата историја. Европскиот првак, Италија падна во Палермо“, стои во реакцијата од ФФМ.

Претходно реагираше и тренерот на Дејан Георгиевски – тука.