Фудбалерките испуштија два гола предност против Бугарија

Женската фудбалска репрезентација на Македонија одигра 2-2 на гостински терен против Бугарија во Лигата на нации. 

Избраничките на селекторот Кирил Изов поведоа со 2:0 со головите на Гентијана Рочи  во 11-та минута и Илза Максути  во 62-та минута.

Сепак, ни големото водство не беше доволно за победа на Македонија. Најпрво во 85-та минута Леонора Желева намали, а во петтата минута од судиското надополнување Лора Петрова ги постави конечните 2:2.