ФИФА се закани без пардон: Или решете го ова или ќе „летате“

Првенството е суспендирано, но на грчкиот фудбал му се заканува уште поголем удар.

Комисијата на ФИФА за мониторинг не се заканува ниту малку дипломатски. Мора така, ги потрошија сите адути. Оттаму стигна и предупредувањето од Цирих: „Или средете ја ситуацијата во домашниот фудбал или подгответе се да претрпите жестоки санкции. Меѓу нив е и исфрлање на Фудбалскиот сојуз на Грција од сите меѓународни организации“.

Навистина, Грците не се квалификуваа на Мундијалот во Русија, па ќе имаат време да се изборат со проблемите кои не се појавија од вчера, но испливаа на површина во текот на вчерашното дерби помеѓу ПАОК и АЕК, кога сопственикот на ПАОК тргна кон судијата, имајќи пиштол кај себе.