Финалето од Лига Европа следната година во Лион!

Финалниот меч во второто по ранг натпреварување, Лига Европа во 2018 година ќе се одигра во францускиот град Лион, одлучи Извршниот одбор на УЕФА.

Лион прв пат е избран да биде домаќин на некое финале во европските купови. Овој град има нов стадион со капацитет од 59.000 места, кој целосно е довршен оваа година за потребите на Европското првенство.

Инаку финалето во Лига Европа за оваа сезона ќе се одигра во Стокхолм, а финалето во Лигата на шампионите во Кардиф на Миленуим стадионот.

Претходно, УЕФА објави дека финалето во Лигата на шампионите во 2018 година ќе се игра на Олимпискиот стадион во Киев.