ФА ја одби жалбата на Ливерпул: Сепак ќе следува санкција за Мане

Англискиот фудбалски сојуз ја одби жалбата за Ливерпул за суспензијата која ја заработи Садио Мане.

Челниците на Ливерпул бараа да биде намалена суспензијата за сенегалскиот репрезрнтативец од три натпревари неиграње, но жалбата е одбиена.

Мане така ќе ги пропушти првенствените натпревари пртив Барнли и Лестер, и уште еден против Лестер во рамки на Лига Купот.

Сенегалецот суспензијата ја заработи откако на дуелот против Манчестер Сити невнимателно го удри во глава противничкиот голман Едерсон, на кого осум минути му беше укажувана помош на теренот.

За среќа, Едерсон не е сериозно повреден и во конкуренција е за дуелот против Фејнорд во рамки на Лигата на шампионите.