Уште еден фудбалер од Германија позитивен на коронавирус

Втор позитивен случај на коронавирус и во германскиот фудбал и повторно од тимот на Хановер кој се натпреварува во втората германска лига.

Откако вчера беше соопштено дека Тимо Хуберс е заразен од коронавирус, денес стана јасно дека и неговиот соиграч Јанес Хорн е позитивен на коронавирус. 23-годишниот дефанзивец е на позајмица од Келн.

Многу е веројатно и други фудбалери да бидат дијагностицирани, бидејќи во саботата имало забава на тимот со локалните навивачи на која бил и Јанес.

Јанес овие денови бил во конаткт со неговиот брат, кој пак е физиотерапевт во третолигашот Ајнтрахт Брауншвајг.