Уште еден знак дека Роналдо заминува од Јувентус

Се погласни се шпекулациите дека Кристиано Роналдо ќе го напушти Јувентус ова лето, а сега се појави уште една индиција која го потврдува тоа.

Португалецот, кој обично е централна фигура во рекламите на „старата дама“, сега го нема во промоцијата на дресовите за следната сезона.

Матијас де Лихт, Бентанкур, Мекени и Дибала се избраните манекени кои ќе го промовираат новиот дрес, а португалската ѕвезда ја нема.

Иднината на Роналдо е под знак прашалник после слабата сезона на Јувентус, а особено после доаѓањето на Алегри на кормилото.

„Бјанконерите“ сакаат да се ослободат од високата плата на Португалецот, а медиумите тврдат дека неговиот менаџер наводно веќе му бара нов клуб.