Ужасни вести за Рома: Заниоло повторно со тешка повреда

Ѕвездата на Рома и италијански репрезентативец, Николо Заниоло повторно се здоби со тешка повреда.

Заниоло на синоќешниот меч против Холандија доживеа тешка повреда на коленото, а денес беше потврдено она од што сите се плашеа.

Имено, денешните прегледи покажаа дека Заниоло има кинење на вкрстените лигаменти и повторно му следува долга пауза.

Тој имаше иста таква повреда и во јануари, а само што се врати на терените ја обнови повредата.

Во следните денови Италијанецот ќе биде подвргнат на хируршка интервенција, а потоа му следува неколку месечна пауза.