УЕФА најави револуција – се скратува преодниот рок

Европската куќа на фудбалот (УЕФА) планира да го корегира преодниот рок за фудбалери во текот на летото.

Имено, претседателот на УЕФА, Александар Чеферин најави можнос да се скрати преодниот рок пред почетокот на сезоната со цел да се нормализира ситуацијата на трансфер пазарот.

„Знам дека оваа дискусија за скратување на преодниот рок ќе предизвика разни коментари ширум Европа. Од моја гледна точна не е добро фудбалерите да играат за еден клуб кога ќе почне сезоната, а потоа за друг пред да се затвори преодниот рок“, изјави Чеферин.

„Премногу долго трае таа несигурност. Според мене преодниот рок е многу долг и ќе поддржам негово скратување“, додаде Чеферин.

Идејата за скратување на преодниот рок се заговара во Англија, каде 17 од 20 клубови од Премиер лигата изрази спремност за ваква фудбалска револуција.