УЕФА може да дозволи публика на натпреварите од ЛШ

Европската куќа на фудбалот (УЕФА) размислува да дозволи присуство на навивачи на натпреварите во Лигата на шампионите, во случај на одобрување од локалните власти, објави „Мундо Депортиво“.

Според изворот, овој чекор ќе им помогне на клубовите да ги намалат загубите од пандемијата на коронавирусот и ќе им овозможи да заработат пари од продажба на билети.

За потсетување, сите натпревари од квалификациите во Лигата на шампионите се одиграа без гледачи. Натпреварите во групата фаза може да се играат во присуство на публика,  но само одреден процент од стадионите.

Ждрепката за групната фаза во ЛШ е попладнево со почеток во 17 часот.