УЕФА и даде „корпа“ на Грција за жалбите за нашето лого

Како што е познато министерот за спорт Лефтерис Авгенакис пред стартот на ЕП испрати писмо до УЕФА во кое најде замерка за логото на ФФМ каде што стои кратенката МКД.

Оваа жалба УЕФА ја одби и на Авенгакис му објасни дека акронимот е дел од преспанскиот договор. Исто така УЕФА образложи и дека во службената комуникација го користи терминот “Фудбалска Федерација на Северна Македонија“ и дека оваа терминологија е соодветна адаптирана на ЕУРО 2020.

Во заклучокот од одговорот се наведува дека УЕФА никогаш нема да стане место каде што се спроведуваат нечии политички замисли и барања.