УЕФА го одреди судијата за финалето во Лигата на шампионите

Шпанскиот судија Антонио Мигел Матео Лахоз ќе дели правда во финалето на Лигата на шампионите во кое ќе играат Сити и Челзи, потврди денес УЕФА.

Натпреварот помеѓу двата англиски клубови е на програмата на 29. мај во Истанбул, иако постои голема шанса градот на Босфорот да го изгуби домаќинството поради лошата епидемиолошка ситуација во Турција.

Во изминатите денови се шпекулираше дека финалето може да се одржи во Лондон или Париз.

Шпанецот Лахоз неодамна беше делегиран да го суди „Ел Класико“, но поради повреда на мускулот местото го препушти на Хесус Хил Манзано.

Official: Antonio Mateu Lahoz will referee the #UCL final between #ManCity and Chelsea. pic.twitter.com/wEyNlwy71w

— Man City Report (@cityreport_) May 12, 2021