Тотенхем го официјализираше второто најскапо засилување во историјата

Тотенхем и официјално го објави трансферот на Ричарлисон, за кого на Евертон му плати 50 милиони фунти плус дополнителни 10 милиони како бонуси.

Така Бразилецот стана второто најскапо засилување во историјата на лондонскиот клуб, после Ндомбеле за кого клубот своевремено плати 63 милиони фунти.

Ричарлисон вчера ги мина лекарските прегледи во Бразил и стави потпис на 5-годишен договор, а следната недела ќе му се придружи на тимот и ќе ги започне подготовките.

Бразилецот е четврто засилување за тимот на Конте ова лето после Перишиќ, Фрејзер Фостер и Бусума.

It's official 🔥 #WelcomeRicharlison pic.twitter.com/pC6IOv2kLp

— Tottenham Hotspur (@SpursOfficial) July 1, 2022