Тони Крос: Имам многу тоалетна хартија дома!

Германскиот играч за врска Тони Крос како и останатите фудбалери на Реал Мадрид во моментов е во карантин и ги сподели искуствата во медиумите.

Тој за германските медиуми откри како му поминуваат деновите во карантин во Мадрид во исчекување да помине пандемијата со коронавирусот.

„Јас и моето семејство сме добро, немаме симптоми. Не ми е досадно дома бидејќи можете да замислите како е со три деца. Важно е дека сите сме добро“, истакна Крос.

„Во мојот дом имам големи залихи на храна, најмногу  на макарони, бидејќи тоа најмногу го јадат моите деца. Исто така имам и многу тоалетна хартија во мојот дом“, откри Германецот.