Тешко дека од Болт ќе биде фудбалер: „Топката од него се одбива како од трамболина“

Некогаш најбрзиот атлетичар во светот Усаин Болт занимава со фудбалот во обид на 32 години да започне фудбалска кариера.

Сепак, Енди Кио, напаѓачот на Перт Глори, изјави дека Усеин Болт нема да успее како фудбалер на австралискиот клуб Сентрал Коуст Маринерс.

„Покажа некаков потенцијал, но неговиот ангажман е потсмевање кон другите професионалци кои играат во лигата. Неговото доаѓање е добро од маркетиншки аспект, но од фудбалска перспектива е смешен“.

„Доколку некој мисли дека трансферот на Болт во овој тим е добра фудбалска одлука, тогаш не би смеел да биде во позиција да носи такви одлуки. Па топката од него се одбива како од трамболина“, изјави Кио.

Инаку ова не е прв пат Болт да добива вакви критики. Неодамна поранешниот репрезентативец на Германија, Маркус Бабел изјави дека од тој никогаш нема да стане фудбалер.

„Го гледав како игра и со должна почит морам да кажам дека тој ниту за сто години нема да стане фудбалер. Неговиот ангажман е одличен маркетинг-трик бидејќи австралиската лига би добила големо внимание“, изјави неодамна Бабел.