Холандскиот фудбалер Кевин Стротман, можеби изненадувачки, на крајот од преодниот рок ја напушти Рома и потпиша за Марсеј, кој го плати 28 милиони евра.
После многу години поминати во италијанската престолница, Стротман се одлучи на нов чекор во кариерата и вчера за прв пат зборуваше за медиумите како член на Марсеј.
Од лозје до чаша: Уметноста на виното со Теодор Бојаџиев | Уште еден поткаст
„Среќен сум што станав член на овој голем клуб. Разговарав со тренерот, претседателот и спортскиот директор и од сите служнав дека ме посакуваат. Ја прифатив понудата, ми се допаѓа проектот и дојдов овде да му помогнам на Марсеј во остварувањето на своите цели.“ – изјави Стротман.
Можеби е случајност, но Стротман од Рома замина непосредно по доаѓањето на францускиот фудбалер Стивен Нзонзи кој игра на истата позиција.
„Не заминав поради неговото доаѓање. Нормално е секој клуб да се засилува, па така и Рома која ова лето донесе многу играчи. Конкуренцијата во екипата е нормална работа, но заминав од причина што проценив дека дојде време за неа. Поминав во Рома пет години.“
Учество во игри на среќа е дозволено за лица со 18+ години. Играј одговорно!