Стоперот на Интер откри кој е најдобар напаѓач против кого играл и го „боцна“ Роналдо

Oва лето Интер помеѓу останатите засилувања го ангажираше и стоперот од редовите на Лацио, Стефан Де Фрај.

Во пресрет на новото коло во италијанското првенство Де Фрај беше запрашан и со ситуацијата во најголемиот ривал на Интер, Јувентус.

Де Фрај како што самиот истакна бил изненаден од трансферот на Роналдо во Италија, потенциршае дека тоа е добра работа за италијанското првенство, но за него Роналдо не е најдобриот напаѓач против кого играл.

„Искрен да бидам, мислев дека од тоа нема да има ништо. Неговото доаѓање значи многу во секој поглед. Играв еднаш против него во натпревар помеѓу нашите репрезентација. Натпреварот заврши 1:1, а тој постигна гол во финишот после еден корнер“.

„Дали тој е најдобриот напаѓач против кој сум играл? Не, за мене тоа Килијан Мбапе“, изјави Де Фрај.

Ќе потсетиме, Интер во рамките од четвртото коло во италијанското првенство ќе се сретне против екипата на Парма.