Предводени од скопјанецот Јасри Асани и кумановецот Таулант Сефери Албанија вчера ја совлада Чешка со 3:0 и така скоро и да го обезбеди пласманот на Европското првенство.
Победата ја најави Асани со прекрасен гол од 25 метри, а потоа Сефери го потврди триумфот два гола. Победата предизвика еуфорија на трибините, но се славеше и низ улиците на Скопје и Куманово.
Пред дербито, падна најважниот потпис во Манчестер Сити! ↓↓↓
Во минатото овие двајца фудбалери настапуваа во младинските категории на Македонија. Асани беше дел од генерацијата до 21 година која се пласираше на Европското првенство, таа генерација се памети како најталентирана, а за неа собра четири настапи.
Подоцна не се најде на списокот за тоа Европското првенство, па се одлучи да игра за Албанија каде што на почетокот не му одеше и не добиваше повик, но во овој момент е еден од најважните играчи. Исто така Асани ги помина и сите младински категории на Вардар.
Таулант Сефери во младинските категории играше за Работнички и во времето на Игор Ангеловски стана најмладиот фудбалер што заиграл за македонската репрезентација, дебитираше во пријателски натпревар со Камерун на 17 години и шест месеци. Подоцна неговиот рекорд го сруши Дарко Чурлинов.
По тој дебитантски повик не беше редовно повикуван, па тоа го искористи Албанија која успеа да го убеди.
Учество во игри на среќа е дозволено за лица со 18+ години. Играј одговорно!