Себастијан Џовинко пред враќање во Серија А

Себастијан Џовинко би можел да се врати во Серија А, пишуваат италијанските медиуми.

Медиумите во Италија објавија дека Сампдорија постигнала договор со Џовинко. Маноло Гамбјадини заработи тешка повреда и во Сампдорија мораа да реагираат да доведат замена, а изборот изгледа паднал на поранешниот играч на Јувентус.

Јануарскиот преоден рок заврши, но Сампдорија нема проблеми да го доведе Џовинко затоа што 35-годишниот фудбалер е слободен од август кога си замина од Ал-Хилал од Саудиска Арабија.

Џовинко во Италија покрај Јувентус го носеше дресот на Емполи и Парма. Во 2015 година направи трансфер во Торонто од каде што после четири години направи трансфер во Саудиска Арабија.