Хрватскиот тенисер Иво Карловиќ не успеа да стане еден од најдобрите, но денес кога ја завршува кариерата на 44-годишна возраст има на што да биде горд.
Карловиќ официјално денес објави дека повеќе нема да игра професионален тенис, меѓутоа уште од 2021 година не одиграл ниту еден меч. Последен пат настпаи на турнирот на Индијан Велс каде што беше поразен од Емилијано Гомез.
Пред дербито, падна најважниот потпис во Манчестер Сити! ↓↓↓
Она што е уникатно во неговата кариера е што е еден од ретките кои можат да се пофалат со позитивен скор со еден од најдобрите на сите времиња, Новак Ѓоковиќ.
Ѓоковиќ и Карловиќ одиграа три натпревари. Првпат во 2008 година во Мадрид каде што победи Хрватот, а потоа славеше и во Доха во 2015 година.
„Со Ѓоковиќ имам скор 3:1. Го победив и во квалификациите за турнирот во Мадрид во 2005 година, меѓутоа АТП тој меч не го признава. Од време на време знам да го потсетам на тој факт“, изјави Карловиќ.
Ќе се памети Карловиќ и како еден од тенисерите со најсилни сервиси, а за тоа му помагаше и неговата висина од два метри.
Учество во игри на среќа е дозволено за лица со 18+ години. Играј одговорно!